Ingelesa ikasten
Aurten bete dut laugarren urtea Lakuan ingelesa ikasten. Urteotan bizi izandako esperientziatik honako puntuekin gelditzen naiz:
- Urtero-urtero, ikasleen %90 euskaldunak ginen. Ez dut uste kasualitatea denik.
- Hori hala izanda ere, klaseetako “mundu erreferentziala”, itzulpen-hizkuntza, adibideak, baliokidetasunak… gaztelaniaz izan dira.
- Salbuespenak salbuespen, klase inguruko harremanetarako hizkuntza (klase aurreko, bitarteko eta ondoko hitz aspertuak eta abar) gaztelania izan da, baita euskaldunon artean ere, eta baita elebidun-elebakarren arteko proportzioa 9-1 zenean ere.
- Ingurune komunikatibo batean euskaraz jaduteko egokiera zegoenean, bi jarrera ikusi ditut erdaldunen aldetik: batean «podeís seguir hablando tranquilamente en euskera que yo, aunque no lo hable, os entiendo bastante bien», euskaldun pasiboarena nolabait esateko; eta bestea, berriki gertatua, «¡Hablar en castellano, jodé!», bera hizlari ez izan arren entzule moduan baztertuta sentitzen denarena.
Zuei ere –Gorka, Joseba, Xabier, Arturo, Iñigo…– berdin gertatu al zaizue zuen taldeetan?
Zabaldu
del.icio.us
Niri bigarrena gertatu zitzaidan orain hiruzpalau urte. Beste solaskide batekin ari nintzen euskeraz, eta gure ondotik pasa zen hirugarren batek,elkarrizketarekin zeirkusirik ez zuenak, gure arteko elkarrizketa eten eta hauxe bota zigun: "No habléis en euskera!". Imajina ditzakezue bere amorru aurpegia eta gure harridura aurpegia.
Ez al zaizue iruditzen azken urteotan horrelako jarrerak areagotuz doazela? Bestela esanda, ez al zaizue iruditzen erdaldun militante horiek gero eta harroago daudela euren militantzia elebakarraz?
zazpi | 2009-06-08 - 07:39:20 GMT 1 #
Nik ere inpresio hori badut. Normala da, alderdi españolistek euskararen aurkako mezua areagotu eta zakartu egin dutelako batetik, eta oro har alderdi abertzaleen utzikeria eta erantzunaren epela ikusgarriak direlako.
Badago nosabenocontesta eremuan instalatuta bizi den alderdirik ere.
Euskaldunon komunitatea "contradictio in terminis" delakoa esplikatzeko oso adibide ona da, ohi bezala.
Rapel Epeleta
Bart | 2009-06-15 - 11:35:56 GMT 1 #