Zure Bloga kudeatu

Sortu zure Bloga orain!

ERC-k katalana, galiziera eta euskara Estatu mailan ofizialak izatea eskatuko du

tirakablogger 2005-08-22 @ 10:01

ERC alderdiak lege-proiektu bat aurkeztuko du Espainiako Kongresuan katalana, galiziera eta euskara Estatu mailako hizkuntza ofizialak izan daitezen. ERC-ko agintari Josep Lluís Carod-Roviraren ustez, Estatuko aniztasun linguistikoa 1977 urtetik hona dagoen “gainditu gabeko ikasgaia” da. Hori dela-eta, PSOE-k proposamena ez onartzea ez litzateke logikoa izango, Europan hizkuntza horien alde daukan jarrera kontuan izanda. Hortaz, proposamenak aldaketa aipagarriak eragingo lituzke hainbat arlotan, Estatuko Administrazioan, justizian eta hedabideen arloan besteak beste.
Lege honek aurrera egingo balu, Estatu mailako irrati eta telebista publiko zein pribatuek programazioaren erdia behintzat gaztelania ez den beste hizkuntza batean emititu beharko lukete, deskonexio edo beste kanal bereiztu batzuen bitartez. Bestetik, herritarrek erakunde ofizial edo administrazioaren menpekoetara jotzerakoan, edozein hizkuntza ofiziala erabiltzeko aukera edukiko lukete eta, era berean, hizkuntza horretan jasotzea erantzuna ere bai. Gainera, nortasun agiria, pasaportea edo bestelako agiriak, horietako edozein hizkuntzatan izango lirateke.
Hori guztia beste ahal izateko, gobernuaren menpeko erakunde zentralek zein berezko hizkuntza duten erkidegoetako erakundeek, hizkuntza aldetik gai diren langileak izan beharko dituzte. Horregatik, justizia arloan adibidez, magistratu, epaile zein idazkari judizialek bete gabe dauden plazak bete ahal izateko, plaza hori dagoen lurraldeak berezko hizkuntza balu, hizkuntza hori ahoz zein idatziz jakin beharko lukete.

(Iturria: Gara eta El Mundo)


Zabaldu Bildu.net | del.icio.us

Ez dago erantzunik »

Erantzun bat idatzi


<a href> <em> <blockquote> <strong> <cite> <code> <ul> <li> <dl> <dt> <dd>