2008-04-14 GTM 1
Hizkuntzen estetika
tiraka — 2008-04-14 GTM 1 @ 12:33
Juan Kruz Lakastak eta Zaldieroak, Berria-n
Hizkuntzen estetika
Nafarroako Parlamentuak Baluarte kongresu jauregia eta auditoriuma ele biz errotulatzeko eskatu Foru Gobernuari. Eta UPNko agintariek eraikina diseinatu zuen arkitektoari, Patxi Mangadori, aldaketa horren inguruko txostena galdegin diote. Mangadok erantzun du fatxadan euskarazko errotulazioa gehitzeak konposizioa «birrindu» eginen lukeela, «ikaragarri gaizki» geratuko litzatekeela.
Erantzunak ikusi/idatzi 
Zabaldu Bildu.net | 
del.icio.us
2008-04-10 GTM 1
Autopropaganda pixka bat...
tiraka — 2008-04-10 GTM 1 @ 13:52
Argia, 2132 zk.
"Eusko Jaurlaritzako langileak dira. Euskarak administrazioan bizi duen egoera ikusita Tiraka bloga sortu zuten, euren kezkak azaltzeko gunea. Eta denek batean erantzun digute, besteak beste, beraien lan esparruan langileek hizkuntzarekiko zer-nolako jarrera duten. Alabaina, euskal gizarte osoari ere zuzentzen diete begirada, herritarron konpromisoa eskatuz."
Erantzunak ikusi/idatzi Zabaldu Bildu.net | del.icio.us
2008-03-04 GTM 1
"Integratzeko euskara behar dela transmititu behar zaio jendeari"
tiraka — 2008-03-04 GTM 1 @ 14:50
Xavier Vila Xarxa Cruscat katalana aztertzeko zentroko zuzendariari Berriak egindako elkarrizketa, Soziolinguistika Klusterraren I. Jardunaldien karietara.
Erantzunak ikusi/idatzi Zabaldu Bildu.net | del.icio.us
2008-02-21 GTM 1
Tablón de anuncios
martinrezola — 2008-02-21 GTM 1 @ 09:36
Ez dut uste inoiz azterketa seriorik egin denik Jaurlaritza barruko euskararen erabilera neurtzeko –esan nahi baita, bulegoetan, kafe-makinetan, korridoreetan... zenbat euskara entzuten den, ehunekoak eta abar–, esate baterako Soziolinguistika Klusterrak egin ohi dituen azterlan finen parekorik.
Erantzunak ikusi/idatzi (1) Zabaldu Bildu.net | del.icio.us
2008-02-19 GTM 1
Egunkaria libre
tiraka — 2008-02-19 GTM 1 @ 23:10
Tagak: egunkaria
Erantzunak ikusi/idatzi Zabaldu Bildu.net | del.icio.us
2008-02-12 GTM 1
Itzulpen alferrikakoez (berriz ere)
martinrezola — 2008-02-12 GTM 1 @ 10:08
Eskuartean izaten ditugun testu elebidun asko alferrikakoak direla salatu izan dugu behin baino gehiagotan, jakinik jatorrizkoa gaztelanizko dela, hizkuntza horretan bide luzea egin duela (zirriborroa, txostenak, oniritziak...); eta euskarazkoa, berriz, azken-azken uneko itzulpen halamoduzko bat baino ez dela, azaleko berniz mehe bat baino ez. Eta interesatuak gaztelaniazkora jotzen duela, noski.
Erantzunak ikusi/idatzi (2) Zabaldu Bildu.net | del.icio.us
2008-02-07 GTM 1
Jauzia
egorospe — 2008-02-07 GTM 1 @ 10:18
HPSk bere IV. Plangintzaldia aurkezteari ekin dio. Hitz eta esamolde gozoz belarriak ferekatzen dituen asmoa da eskuartean dakartena Baztarrikak, Azkuek eta Lozanok. Bere bidea halamoduz —ezagutzan oinarrituta— burutu duen III. plangintzaldia atzean utzi eta erabilera, sormena, korredakzioa, hizkuntza profila egiaztatu dutenek —borondatezkotasunetik haratago— derrigorrez bete beharra. Tirakari egindako aurkezpenean egon ginenok gustura entzun genuen eta, ezin uka, aukerez ez ezik, arriskuez ere ohartu ginen. Horrelako zeozer eskatu izan diegu azken urteotan Administrazioan hizkuntza duten arduradunei, nahiz oraindik guztiz gorpuztu gabe egon. Hor dago; eta 2012ra arte iraungo du. Ia zelango etekina ateratzeko gai garen! Beldur ere banaiz; ezin isildu: orain artean Administrazioa izan du(gu)t, batik bat, nire (gure) kritiken jomuga, iruditu izan baitzai(gu)t ez zuela behar bestean betetzen. Orain denon eskuetan dago jauzia egiteko erreminta.
Erantzunak ikusi/idatzi Zabaldu Bildu.net | del.icio.us
2008-02-01 GTM 1
...baina honelako plan bat ez
martinrezola — 2008-02-01 GTM 1 @ 13:11
“Plan bat behar duzu!”, genioen aurrekoan, batzuen axolagabekeria hizpide. Baina ez edonolako plana, ez horixe. Andoni Egañak ere ohartarazten zigun lehengoan, txostenismoa da gaur egun zabal-zabal dabilen ajea. Ez dugu plan polit, distiratsu, eskaparatean erakusteko bat, langile eta arduradunen artean ongi errotutako plan bat baizik. Plana “flan” bihur ez dadin, beharrezkoa da produktua ondo saltzea. Begira, bestela, zer gertatu daitekeen (Dabid Anaut nafarraren Txokotik zabalera liburutik lapurtutako pasartea):
Erantzunak ikusi/idatzi Zabaldu Bildu.net | del.icio.us
2008-01-31 GTM 1
Plan bat behar duzu!
martinrezola — 2008-01-31 GTM 1 @ 13:09
Euskara erabiltzeko planak abian jartzekoak omen dauden honetan, batzuek aurrerago joko dute, beste batzuek motelago... Egia esan, ez dakigu zertan mamituko den beti aipatzen den “arian-arian”, “progresibitate” hori. Baina premia egon badago, badagoenez; begiratu, bestela, Eusko Jaurlaritzako Baliabide Orokorren Zuzendaritzak (Ogasun Saila) hemengo Intranet sarean kontsultagai duen gunea.
Erantzunak ikusi/idatzi Zabaldu Bildu.net | del.icio.us
2008-01-29 GTM 1
Argazki bat es mucho
martinrezola — 2008-01-29 GTM 1 @ 09:47
Poza eman dit argazkiak. Garruzek aurreko mezuan aipatzen duen banalerro zoritxarrekoa gainditzeko modu polita. Sailburua, HPSko zuzendari bat, Imanol Murua, Emilio Lopez Adan... batera. Ez ohikoa. Baina oso beharrezkoa. Hurrengoan, Hizkuntza Politikarako sailburuorde Patxi Baztarrika eta Kontseiluko presidente Xabier Mendiguren Bereziartu ikusi nahi ditugu argazki batean, elkarri bostekoa emanda
Erantzunak ikusi/idatzi Zabaldu Bildu.net | del.icio.us